Шөнийн зураглал хийж сурах уу

Фокусаа дахин дахин шалга. Фокусаа тааруулах газраа заагчаа зөөгөөд автоматаар фокусаа тохируулаад фокусаа салгах арга бий. Энэ нь харанхуйд та өөрийнхөө нүдэнд итгэхгүй байгаа бол боддог л арга.

Шинэ он дөхөөд гэрт гадаагүй сайхан уур амьсгал цогцлоод, шинэ жилийн үдэш, сүлд модтой хотын гэрэлт гудамж, сайхан зураг, амьдралын нэгэн агшинаа камернаа буулгахнээ,

Гэрэл муу, харанхуй, бүдэг, чичиргээтэй, фокусгүй гээд олон болохгүй мэдэхгүй зүйл тохиолддог. Хэрвээ та сонирхогчын халаасны камертай бол, iPhone болон гар утсаар шөнийн зургийг сайхан гаргаж чадахгүй л болов уу! Тиймээс танд гараар бүх тохиргоог удирддаг камертай бол шөнийн зураг авахад доорх энгийн зөвлөгөөг дагаад хэдэн туршилт хийгээд үзээрэй. Доор хэдэн уншсан зүйлээ zip-лээд бас өөрийнхөө туршлагтайгаа хольж байгаад бичлээ. Шөнийн зураг мэдээж ийм жижиг сэдэв биш цааш дэлгэрүүлбэл олон сайхан зүйл өгүүлэхээр том сэдэв дотроо хуваагдаад нэлээд сонирхолтой болох бий вий.

Фото зураг бол сонирхогчдыг нэн гүн ашигтай хорхойтуулдаг хобби бөлгөө гэж.

Гурван хөлт

ХЭЗЭЭД ҮРГЭЛЖ - хийх зүйлээ хийчихдэг найзаа мартаж гомдоов. Таны шөнийн зураг түүнгүйгээр хэзээ ч бүтэхгүй шүү. Өршөөл үгүй, гомдол үгүй, Хэлье цагаа хий дэмий гарзадсан ажил болно. Хөнгөн, хямд, богино хөл бүү худалдаж ав. Хөл зарим тохилдолд таны зэвсэг, түших тулгуур, таны таяг болж аминд орох вий. Майхан барих сайхан нуруу болчихдог шүү. Хадуурчлаа.

RAW

Зургаа кард дээрээ хадгалах формат. JPG биш RAW форматаар хадгал. Энэ нь шахагдаагүй, өнгөний 3 суваг холилдоогүй, сенсорт буусан долгионыг хамгийн сайн аргаар боловсруулах боломж олгосон файлын формат юм. Камерныхаа хамгийн их хэмжээгээр зураг буулгах тохируулгыг бүү март. Зарим тохиолдолд кардныхаа хэмжээг хэмнэх, чухал бус зураг авахдаа буулгах хэмжээг бага дээр эсвэл дунд дээр нь тохируулсан байдаг.

ISO

ҮРГЭЛЖ ШАЛГА. ISO хурдыг 100-д тохируул (Камерныхаа хамгийн бага ISO тохируулга). Гэрэл хамгийн бага хүртэж буй мужийн шуугианы мэдрэмж сенсорт орохдоо ихэсдэг. Шөнийн зурагт ISO их байх тусам хүсээгүй шуугианаар сенсороо буудах нь. Сенсор таны өгсөн коммандыг л биелүүлнэ. Таны комманд зөв бурууг сенсор шалгахгүй. 2 дахь мартаж боломгүй тохиргоо.

White Balance

Хэрвээ AUTO WHITE BALANCE (WB) дээр тавиад буудаж байгаа бол камер автоматаар WB-aa тохируулаад, таны хүсээгүй тохиргоогоор авчихсан байдаг. Иймээс WB-аа Cloudy (6000K) буюу Илүү шаргал дулаан өнгөнд эсвэл Tungsten (3200K) буюу цэнхэррүү хүйтэн өнгө рүү тохируулж турш. Энэ арга нь HDR зурагчдад зайлшгүй шаардлагатай, учир нь хөшигний хавчих хурднаас шалтгаалаад WB автоматаар ажиллаад өөр тохиргоонд үсэрчихсэн байдаг.

Хөшиг, Талбарын Гүн

Камерны тохиргоог Av дээр, өрцний нээлтийг F/8 ба F/11 ийн хооронд тохируул. Гэхдээ та дурангийнхаа үйлдвэрээс гаргасан үзүүлэлтийг мэддэг байх хэрэгтэй. Төвөөс нөгөө өнцөг хүртэл, эсрэг талын өнцөг хүртэл жигд, сенсорт буух цэг бүрт дундаж фокус хамгийн сайн байх F дугаарыг МЭД. Өөрөөр хэлье, фокус бүх цэг дээр жигд сайн байх F дугаар. Заримд F8, нөгөөд F10, F9 гэх мэт янз бүр. Олон дурантай бол хольж хутгаваа. 3 дахь мартаж боломгүй тохиргоо.

IMAGE STABILIZER - OFF

Дурангийн болон Камерны зураг тогтваржуулагчын үүрэг нь шөнийн болон байгалын авахад зурагт хортойгоор нөлөөлж, камерыг чичрүүлж сенсорыг хөдөлгөөнд оруулдаг. Спорт болон хөдөлгөөнт зураг авалтад зураг тогтворжуулагчыг ашиглана.

AUTO FOCUS - OFF

Автомат фокус мөн л дуранг хөдөлгөөнд оруулдаг. Зураг буулгах бүрт фокус систэмээ дахин шалгаж тохируулж байдаг. Фокусаа та өөрөө хаана тааруулахаа мэдэж байгаа. Фокусаа дахин дахин шалга. Фокусаа тааруулах газраа заагчаа зөөгөөд автоматаар фокусаа тохируулаад фокусаа салгах арга бий. Энэ нь харанхуйд та өөрийнхөө нүдэнд итгэхгүй байгаа бол боддог л арга.

Толио түгж - Mirror Lock-Up ENABLE

Зураг буулгах товч дарахад эхлээд камерийн толь нээгдэнэ. Нээгдэх үеийн толины энэ чичиргээ зурганд нөлөөлдөг. Энэ чичиргээ хүнд мэдрэгддэггүй, туршилтаар хангалттай муу үр дүнтэй гарсан юм байх. Үүнийг бичигч би туршилт хийгээд хэлж байгаа юм биш камер үйлдвэрлэгчид ингээд хий гээд mirror lock-up функц хийгээд өгсөн байгаа.

Камерын тохиргооны MIRROR LOCK-UP ийг enable болго. Туршилтаар 1/60sec ээс бага хурдаар авч байгаа бол толины чичиргээ нөлөөлж эхэлдэг юм байна. Энэ тоог тархинаасаа унахааргүй наачихаарай баярЛалаа.

 Алсын удирдлага, Кабел удирдлага, Таймер

Камерны товч дарагдах үед камерны их бие мөн л хөдөлгөөнд ордог. Утасгүй удирдлага, кабел удирдлага, камерны өөрийнх таймерыг ашигла. Гараар зураг дарагдах ерөнхий механик ажиллагааг харья.

    - Товч хагас дарагдах үед фокус түгжигдэнэ.

    - Цааш бүтэн даралтаар толь нээгдэж дурангаас орж ирэх өгөгдлийг хүлээнэ.

    - Дурангийн өрц нээгдэж гэрлийг сенсор руу илгээнэ.

    - Зураг авагдлаа, товч суллагдлаа.

Энд маш олон механик үйлдлүүд хийгдэж байна. Энэ бүхний нийлбэрээс үүссэн чичиргээ сенсорт тусах гэрлийн урсгалыг тодорхой хэмжээгээр хазайлгадаг.

Дүгнэлт

  • Шөнийн зураг авах байрлал, газар
  • Зураг авах зохиомжоо боловсруул
  • Зогсох газраа сонго
  • Хөлөө зоо
  • Зохиомжоо камертаа оруул
  • RAW fotmat
  • Image Stabilizer -OFF
  • ISO 100
  • WB - CLOUD or Tungsten
  • Av - F8
  • MIRROR LOCK-UP ENABLE
  • Auto Focus - OFF. Фокусаа тохируул.

Ингээд Удирдлагынхаа товчыг дарах л үлдээ шив. Юмыг яаж мэдэхэв тохируулгуудаа дахиад шалга.

- ШӨНИЙН ЗУРАГ АВЧ СУРАХ АМАРХАН УУ?

- Таниас л шалтгаална.

Responsive image


болон бичлэг


Асуулт, Хариулт